Xəbərlər

Krasnoyarskda ilin əvvəlindən məhkəmə Azərbaycan və Özbəkistan vətəndaşları ilə 20 saxta nikahı ləğv edib.

ERtv RİA Novosti-yə istinadən xəbər verir ki, Federal Miqrasiya Xidmətinin Krasnoyarsk üzrə İdarəsinin məlumatına görə, 2012-ci ildə cəmi 8 belə hal qeydə alınıb.

“Miqrantlar rəsmi kvotaya riayət etməyərək müvəqqəti yaşayış üçün razılıq almaq üçün saxta nikahlara daxil olurlar. Əksər hallarda onlar öz həyat yoldaşlarını heç görmürlər də”, - deyə idarənin mətbuat xidmətindən bildirilib.

Qadınlar saxta nikaha görə pul alırlar. Məbləğ 2 min rubldan başlayır. Saxta nikahın ləğvindən sonra müvəqqəti yaşamaq icazəsi qüvvədən düşür.

Əlavə edək ki, 2013-cü ildə Krasnoyarsk diyarında əcnəbilərə müvəqqəti yaşamaq üçün mindən artıq kvota verilib.