Xəbərlər

ERtv-nin RİA Novosti-yə istinadən verdiyi xəbər görə, ABŞ Dövlət Departamenti “Əl-Qaidə” başda olmaqla bir sıra terror təşkilatlarının ABŞ-ın Avropa, Asiya və Yaxın Şərqdəki maraqlarına qarşı hücumlar planlaşdırması barədə xəbərdarlıq edib.

“Əldə edilən məlumatlara görə, “Əl-Qaidə”, onunla əlaqədə olan təşkilatlar və digər terror birlikləri Avropa, Asiya, Afrika və Yaxın Şərq də daxil olmaqla ABŞ-ın bir çox regionlarındakı maraqlarına qarşı terror hücumları planlaşdırmaqdadır.

Bu hücumlar kamikadze əməliyyatları, qətl, adam oğurluğu, zəbt etmək və partlatmaq kimi müxtəlif taktikalardan ibarət ola bilər”, - deyə departamentin məlumatında bildirilir.

“ABŞ vətəndaşlarına yüksək səviyyədə ayıq-sayıq olmağı xatırladırıq”, - deyə Dövlət Departamentindən əlavə ediblər

Amerika hakimiyyətinin fikrincə, idman yarışları, yaşayış evləri və ofislər, mehmanxanalar, klublar, restoranlar, kilsələr, məktəblər, ticarət mərkəzləri və ABŞ-da və xaricdə turistlər arasında məşhur olan digər yerlər terrorçuların hədəfinə çevrilə bilər.