Xəbərlər

Oğuz rayonunun təsərrüfatlarında gələn ilin məhsulu üçün payızlıq taxıl səpininə hazırlıq işlərinə başlanılıb.

ERtv-nin bölgə müxbiri Rayon İcra Hakimiyyətinə istinadən bildirir ki,  payız aylarında rayonun fermer və fərdi təsərrüfatlarında 17 min hektara yaxın sahəyə taxıl səpilməsi nəzərdə tutulub.

Bu məqsədlə səpin üçün 3363 ton keyfiyyətli toxum fondu yaradılıb. İndiyə kimi 4 min hektardan çox sahədə yay şumu başa çatdırılıb. Hazırda şum prosesinin başa çatması üçün bütün texniki vasitələr əkin sahələrinə cəlb olunub. Gələn ayın ikinci ongünlüyündən etibarən səpin işlərinə başlanması nəzərdə tutulur.