Xəbərlər

Məşhur Amerika sərmayəçisi ötən ay 83 yaşını qeyd edib. İndi isə o, evlənmək eşqinə düşüb.

ERtv-nin İTAR-TASS-a istinadən verdiyi xəbərə görə, bu artıq C.Sorosun üçüncü evliliyi olacaq. Məlumatı ABŞ KİV-ləri yayıb.

Məıumata əsasən, təntənəli toy mərasiminə bir çox tanınmış siyasətçilər və biznesmenlər dəvət olunublar. Mərasimin 3 gün davam edəcəyi bildirilir.

Məşhur maliyyəçinin evlənəcəyi qadın isə “Forbes” jurnalının müəyyən etdiyinə görə, sərvəti 20 milyard həcmində qiymətləndirilən 42 yaşlı Tamiko Boltondur. “Təzə gəlin” əvvəllər internetdə bioloji qida əlavələrinin ticarəti ilə məşğul olub, daha sonra isə onlayn yoqa məşğələləri təklif edən şirkət yaradıb. Bu Tomikonun 2-ci nikahı olacaq.

Qeyd edək ki, onlar 2008-ci ildə tanış olublar. Onların nişanlandıqlarına dair xəbər isə ötən ilin avqustunda yayılmışdı.