Xəbərlər

Hasilatın Pay Bölgüsü Sazişləri çərçivəsində 1995-2013-cü illərdə Azərbaycanın neft-qaz sektoruna ümumilikdə təqribən 47 milyard dollar məbləğində sərmayə qoyulub.

ERtv-nin verdiyi xəbərə görə, bu barədə Dövlət Neft Şirkətinin prezidenti Rövnəq Abdullayevin “Neftçilər günü” ilə əlaqədar “Azərbaycan” qəzetində dərc olunmuş məqaləsində deyilir.

Məqalədə qeyd olunur ki, hazırda SOCAR-ın təsisçiliyi ilə yaradılmış 36 birgə müəssisə, 6 alyans, xarici ölkələrdə çoxsaylı törəmə şirkətlər və 13 nümayəndəliyin fəaliyyəti neft və qaz sənayesinin, demək olar ki, bütün sahələrini əhatə edir:

“SOCAR 15 ölkənin 25 şirkəti ilə imzalanmış 17 Hasilatın Pay Bölgüsü Sazişində (HPBS) Azərbaycan dövlətini uğurla təmsil edir”.