Xəbərlər

Prezidentliyə namizəd Araz Əlizadə “seçki marafonu”ndakı bəzi rəqiblərinin qeyri-etik davranışlarını tənqid edib.

Bu barədə ERtv-yə açıqlama verən Sosial-Demokrat Partiyasının (ASDP) həmsədri, prezidentliyə namizəd Araz Əlizadə həmkarlarının öz sözlərinə və hərəkətlərinə nəzarət etməli olduqlarını deyib:

“Əlbəttə ki, teledebatda yaranmış o qalmaqal qətiyyən xoşagələn hal deyil, belə hərəkətlərə yol verilməməlidir.

Hafiz Hacıyev provokatordur, bunu bilirik. Bəs Cəmil Həsənliyə nə düşmüşdü ki, onun səviyyəsinə ensin..?  

Mən xüsusi mütəxəssis deyiləm ki, biləm, Hafizi kim və niyə danışdırır – amma belə yolverilməz hərəkətlərə haqq qazandırmaq olmaz”.

A.Əlizadə həmin namizədlər barəsində qanuna uyğun qaydada tədbir görülməsinin də effektli olacağına inanmır:

“Onlara qarşı tədbir görülməyə başlanılsa, o şəxslər özlərini daha da qəhrəman hiss edəcəklər.

Ona görə də bu məsələdə ən yaxşısı bütün namizədlərin özlərinə nəzarət etmələridir”.