Xəbərlər

Şəki rayonunun Cunut kəndində baş verən bədbəxt hadisə ölümlə nəticələnib.

Bu barədə ERtv-yə Şəki Rayon Polis Şöbəsindən məlumat verilib. Bildirilir ki, 49 yaşlı Cunut kənd sakini Şakir Əhmədov özünə məxsus həyətyanı sahədə qoz çırpmaq üçün ağaca çıxıb. Lakin o, ehtiyatsızlığa yol verib və müvazinətini itirərək ağacdan yıxılıb.

Müxtəlif dərəcəli ağır bədən xəsarətləri alan Şakir Əhmədovu Şəki Mərkəzi Şəhər Xəstəxanasına çatdırsalar da, onun həyatını xilas etmək mümkün olmayıb. Şakir Əhmədov xəstəxanada keçinib.