Xəbərlər

Sentyabrın 21-də UEFA prezident Mişel Platini Bakıya səfər edəcək.

ERtv-nin AFFA-nın saytına istinadən verdiyi xəbərə görə, Platini Mərdəkanda Futbol Mərkəzinin ərazisində tikiləcək Azərbaycan yığmaları üçün təlim-məşq bazasının təməlqoyma mərasimində iştirak edəcək.

Qeyd edək ki, bazanın tikintisi UEFA tərəfindən maliyyələşdirilir. UEFA prezidenti Bakıda bir sıra görüşlər də keçirəcək.

AFFA-nın saytı xatırladır ki, sentyabrın 20-da Xorvatiyanın Dubrovnik şəhərində keçiriləcək UEFA-nın İcra Komitəsinin iclasında Avro-2020 matçlarının keçirilməsinə namizəd olan şəhərlər təsdiqlənəcə. Məlum olduğu kimi, Avropa Çempionatı oyunlarının keçirilməsinə Bakının da namizədliyi irəli sürülüb.