Xəbərlər

ERtv-yə TRT-nin Bakı təmsilçiliyindən bildiriblər ki, 1918 ildə Türk və Azərbaycan əsgərlərin birgə yazdığı qəhrəmanlıq dastanını Türkiyə başda olmaqla bütün dünyaya yayılacaq.

TRT Bakı təmsiçiliyi Azərbaycan Xalq Cümhuriyyətinin ərazi bötövlüyünün təmin edilməsi və inkişafı istiqamətində misilsiz xidmətlər göstərən, rus və erməni işğalına qarşı azadlıq mübarizəsində fəal şəkildə iştirak edən,  qəhrəman Osmanlı sərkərdəsi Nuru Paşa rəhbərliyində Bakını bolşevik və erməni daşnak zülmündən xilas edən Qafqaz İslam Ordusuna  həsr etdiyi “Qafqaz İslam Ordusu və Bakının qurtuluşu” adlı iki sənədli film hazırlayıb.

Filmlərin birində 1918-ci lldə Nuru Paşa rəhbərliyində, Bakını azad etmək üçün gələn Türk əsgərlərin nəvələri öz babaları haqqında söylədikləri həqiqətlər yer alır.

Filmlər Türkiyə səfirliyi, Yunis Əmrə Mədəniyyət Mərkəzi və Azərbaycan Diplomatik Akademiyası(ADA)   tərəfindən  təşkil olunacaq konfransdan sonra sentyabr  20-də, saat 10.30- da Azərbaycanın kütləvi informasiya vasitələrinə və bəzi universitetlərin  tələbələrinə təqdim olunacaq.  

Sənədli filmlırden biri bazar günü - sentyabrın 15-də, Bakı vaxtı ilə saat 16:30-da TRT “AVAZ” və TRT “Haber” kanalında yayımlanacaq.

Diğər sənədli film isə sentyabrın 17-də, Bakı vaxtı ilə saat 12.45  “Qafqazlardan Əsən Yellər” programında yayımlanacaq.