Xəbərlər

Mərkəzi Seçki Komissiyası bu gün keçirilən iclasında prezidentliyə namizədliyini irəli sürən iki nəfərin namizədliyini qeydə almayıb.

ERtv xəbər verir ki, MSK Vətəndaş və İnkişaf Partiyasının  sədri Əli Əliyevin və REAL hərəkatının sədri İlqar Məmmədovunnamizədliklərini təqdim edilən imzalar sırasında düzgün toplanılanlarının tələb olunan 40 mindən az olduğu üçün qeydə almayıb.

Qeyd edək ki, hazırda MSK prezidentliyə 9 nəfərin namizədliyini qeydə alıb.

Bunlar hazırki dövlət başçısı İlham Əliyev (YAP), İqbal Ağazadə (Ümid partiyası), Zahid Oruc (millət vəkili), Qüdrət Həsənquliyev (BAXCP), Araz Əlizadə (Sosial-Demokrat partiyası), Fərəc Quliyev (Milli Dirçəliş Hərəkatı Partiyası), Hafiz Hacıyev (Müasir Müsavat partiyası), Cəmil Həsənli (Milli Şura), İlyas İsmayılovdur (Ədalət partiyası).