Xəbərlər

Demokrat Partiyasının (ADP) sədri Sərdar Cəlaloğlu da prezidentliyə rəsmi namizəd oldu.

ERtv xəbər verir ki, C.Cəlaloğlunun namizədliyinin qeydə alınması haqda qərar Mərkəzi Seçki Komissiyasının (MSK) bu gün keçirilən iclasında qəbul edilib.

MSK-nın katibi Arifə Muxtarova bu barədə məlumat verərək bildirib ki, adıçəkilən namizədliyi təsdiq olunmuş şəxslərin təqdim etdiyi imza vərəqələri yoxlanıb və onun namizədliyinin qeydə alınması üçün hüquqi əsasların olması müəyyən edilib.

Bununla da prezidentliyə namizədliyi qeydə alınan iddialıların sayı 10 olub.  Bunlar hazırki dövlət başçısı İlham Əliyev (YAP), İqbal Ağazadə (Ümid partiyası), Zahid Oruc (millət vəkili), Qüdrət Həsənquliyev (BAXCP), Araz Əlizadə (Sosial-Demokrat partiyası), Fərəc Quliyev (Milli Dirçəliş Hərəkatı Partiyası), Hafiz Hacıyev (Müasir Müsavat partiyası), Cəmil Həsənli (Milli Şura), İlyas İsmayılov (Ədalət partiyası), Sərdar Cəlaloğlu (Demokrat Partiyası).