Xəbərlər

“Modern” Hotelde növbəti "İlin Paltarı" milli moda müsabiqəsi çərçivəsində “İRƏLİ” İctimai Birliyinin “Fashion Academy” layihəsinin final mərhələsi olaraq moda nümayişi göstərilib.

Qeyd edək ki, layihə iştirakçıları üçün tanınmış, professional modelyerlər tərəfindən ustad dərsləri təşkil olunub. Həmçinin müxtəlif modelyerlər, moda ekspertləri və modellərlə görüşlər, master-class dərsləri keçirilib.

Layihə çərçivəsində dərslər Azərbaycan Moda Asssosiasiyasının üzvü və “İlin Paltarı 2012-2013”-ün qalibi Ləman Məhəmmədzadə tərəfindən aparılıb.

Müsabiqədə həmçinin layihənin həvəskar modelyerlər eskizlər əsasında hazırladıqları paltarları nümayiş etdiriblər. Eyni zamanda layihənin iştirakçısı  Nərmin Həmidli “İlin Paltarı” moda müsabiqəsinin iştirakçısı  olub. Nəmin Həmidli 3 müxtəlif paltar təqdim edərək müsabiqənin xüsusi diplomu ilə təltif olunub.

Xatırladaq ki,  “Fashion Academy” layihəsinin əsas məqsədi modaya marağı olan həvəskar modelyerləri bir araya gətirmək, moda sahəsində istedadı olan gənclər üçün imkan və şəraitin yaradılması olub.