Xəbərlər

Fariz Əhmədovun “Əriyən ada” sənədli filmi beynəlxalq kino festivalının qalibi olub.

ERtv xəbər verir ki, film IX Kazan Beynəlxalq Müsəlman Film Festivalının “Ən yaxşı qısametrajlı sənədli film” nominasiyasına layiq görülüb.

“Əriyən ada” filmi festival proqramının qısametrajlı filmlər müsabiqəsi bölməsinə təqdim edilib.

Mədəniyyət və Turizm Nazirliyinin və Azərbaycan Respublikası Kinematoqrafçılar İttifaqının dəstəyi ilə “Azanfilm” studiyası tərəfindən istehsal olunan “Əriyən ada” sənədli filminin ssenari müəllifi Esmira Əyyub, rejissoru Fariz Əhmədov, operatoru Rüfət Kərimov, bəstəkarı isə Rauf Əliyevdir.

Ekran əsərində hadisələr Neftçala rayonunun Kürdili kəndində cərəyan edir.

Fariz Əhmədovun filmləri indiyədək müxtəlif beynəlxalq film festivallarında Azərbaycanı uğurla təmsil edib.