Xəbərlər

Qaraməryəm-İsmayıllı-Şəki magistral avtomobil yolunun 3-cü km-də körpü uçub.

ERtv xəbər verir ki, bu barədə Daxili İşlər Nazirliyinin (DİN) mətbuat xidmətindən məlumat verilib.

Nazirlikdən bildirilib ki, sentyabrın 11-də saat 23:40 radələrində Qaraməryəm-İsmayıllı-Şəki magistral avtomobil yolunun 3-cü km-də, İsmayıllı rayonunun Kürdmaşı kəndinin ərazisindəki körpünün üstündən “Shachman” markalı avtomaşın keçərkən körpü uçub. Hadisə zamanı xəsarət alan olmayıb.

Hazırda avtomobillər Göyçay-Bığır-İvanovka-İsmayıllı yolundan istifadə edir.