Xəbərlər

Müəllimlərin dərs yükü normasının yuxarı həddi 24 saatdan 36 saata qaldırılacaq.

ERtv-nin məlumatına görə, bunu təhsil naziriMikayıl Cabbarov dünən Bakı şəhəri təhsil işçilərinin ənənəvi konfransında çıxışı zamanı deyib.

Bundan başqa nazir məktəb direktorlarının maaşının müvafiq meyarlar üzrə artırılması, ingilis dilinin tədrisinin gücləndirilməsi, müəllimlərin peşəkarlıq səviyyəsinin yüksəldilməsi, məktəblərin dayanıqlı internetlə təmin olunması istiqamətində nəzərdə tutulmuş dəyişikliklər və digər zəruri tədbirlər haqqında məlumat verib.

M.Cabbarov yeni tədris ilində ilk dərsin vətənpərvərlik mövzusuna həsr olunacağını da diqqətə çatdıraraq təhsil müəssisələrinin rəhbərlərinə müvafiq tapşırıqlarını verib.