Xəbərlər

Qəbələ Rayon İcra Hakimiyyəti ilə Ukraynanın Rovno Vilayət Dövlət Administrasiyası arasında regionlararası əməkdaşlıq haqqında saziş imzalanıb.

Bu barədə ERtv-yə Rayon İcra Hakimiyyətindən məlumat verilib.

Bildirilir ki, bu gün rayonda işgüzar səfərdə olan Rovno vilayətini və Qəbələ rayonunu təmsil edən 70-dən çox iş adamının birgə iştirakı ilə görüş keçirilib, fikir mübadiləsi aparılıb, birgə əməkdaşlığın yolları aranıb.

Rovno Ticarət-Sənaye Palatasının prezidenti Nikolay Yaroşşukun rəhbərliyi ilə Ukraynanı təmsil edən 33 müxtəlif şirkət və firma nümayəndəsi yerli fermer və sahibkarlarla gələcək əməkdaşlığın ilkin detallarını müzakirə edib, birgə layihələrin istiqamətlərini müəyyənləşdiriblər. İş adamları daha çox turizm və aqrar sektora dair birgə əməkdaşlıqda maraqlı olduqlarını ifadə edib.