Xəbərlər

Azərbaycanın U-21 yığmasının futbolçusu Fatih Şanlı cəzalandırıla bilər.

ERtv-nin Almaniya KİV-inə istinadən verdiyi xəbərə görə, Fatih Şanlı “Berqiş Qladbax” klubunun futbolçusu ola-ola, Türkiyənin 3-cü liqasında çıxış edən “Yımpaşa Yozqatspor” komandasına keçib.

Alman klubunda müqavilə imzalanması barədə heç bir məlumat yoxdur. Fatih Şanlının transfer qiyməti 25 min avro təşkil edir. “Berqiş Qladbax” klubu yuxarıda göstərilən məbləğin ödənilməsini tələb edir. Əks halda futbolçu yaxın 6 ay ərzində öz yeni komandasında oynaya bilməyəcək.

Bundan əlavə, “Berqiş Qladbax” yaxın zamanda Şanlının Azərbaycan yığmasında oynamaq imkanının əlindən alınması üçün Almaniya Futbol Federasiyasına və UEFA-ya müraciət etmək niyyətindədir.