Xəbərlər

Vladimir Putin qərb ölkələrinin hücum etdiyi halda, Suriyaya yardım edəcəyinə söz verib.

ERtv-nin Lenta.ru-ya istinadən verdiyi xəbərə görə, bu barədə prezident sentyabrın 6-da Sankt-Peterburqda keçirilən G20 sammitinin yekunu üzrə mətbuat konfransında çıxış edərək bəyan edib.

“Biz Suriyaya kömək edəcəyikmi? - Edəcəyik. Elə indi də kömək edirik, silah tədarük edirik, iqtisadi sahədə əməkdaşlıq edirik, ümid edirəm, humanitar sahədə əməkdaşlıq daha çox olacaq”, - deyə Rusiya rəhbəri bəyan edib.

Xarici müdaxilənin növbəti qurbanının kim olacağı barədə Putinə verilən suala o belə cavab verib: “Hansısa ölkənin xarici təcavüzə məruz qalacağı barədə düşünmək belə istəmirəm”.