Xəbərlər

Dövlət Neft Şirkətinin “Azəriqaz” İstehsalat Birliyi üzrə yanvar-avqust aylarında əhali kateqoriyasına aid 90270 yeni abonent qeydiyyata alınıb.

ERtv quruma istinadən xəbər verir ki, bunun 28 713-ü Bakı, Abşeron və Sumqayıt, 61 557-i isə digər regionlara aid olub.

Təkcə avqust ayı ərzində 7731 yeni abonent qeydiyyata alınıb.

Bu ilin 8 ayında əhali sektoru üzrə 1 milyard 394 milyon 142 min 970 kubmetr həcmində təbii qaz satılıb, qarşılığında 3,1 faiz artıq vəsait toplanıb.

Avqust ayı ərzində isə 63 milyon 238 min 237 kubmetr təbii qaz satılıb, bu zaman sərf olunmuş təbii qazın dəyəri üzrə yığılmış vəsaitin həcmi 27,6 faiz artıq təşkil edib.

Bu onunla əlaqədardır ki, 2012-2013-cü illərin payız-qış mövsümü zamanı yaranmış debitor borclar abonentlər tərəfindən yaz-yay mövsümündə ödənilib. Nəticədə ilin yanvar-avqust ayları ərzində debitor borc 9,6 faiz, təkcə avqust ayında isə 3,6 faiz azalıb.