Xəbərlər

Milli Şuranın vahid namizədi Cəmil Həsənli ilə bağlı müxtəlif fikirlər səslənməkdədir.

Cəmil Həsənlinin lider keyfiyyətlərinə malik olmadığı, Müsavat Partiyasının sədri İsa Qəmbər və AXCP sədri Əli Kərimlinin təsir dairəsində olduğu barədə də rəylərin olduğu məlumdur.

“1news.az”saytının baş redaktoru Rəhman Hacıyevin də “Hamı Fantossiyə qarşı: həftə içi Azərbaycan müxalifəti” başlıqlı yazısında Cəmil Həsənlini məşhur italyan komediyasındakı Fantossi obrazına bənzədib.

ERtv Azxeber.com-a istinadən xəbər verir ki, bu yazı cəmiyyətdə birmənalı qarşılanmayıb.
Milli Şuranın vahid namizədinin komediya ustadına bənzədilməsi müxalif cəbhəni qıcıqlandırıb, iqtidar dəstəkləyən gənclər isə internetdə adıçəkilən filmlə bağlı maraqlı süjetlər hazırlayıb:http://azxeber.com/index.php?action=static_detail&static_id=40477

Məsələylə bağlı Azxeber.com Şuranın vahid namizədi Cəmil Həsənlinin özü ilə əlaqə saxlayıb. Cəmil bəy yazını oxuduğunu və bu haqda məlumatlı olduğunu dedi:

“Sözügedən yazını oxumuşam və bu haqda məlumatlıyam. Çox təəssüflər olsun ki, hakimiyyət seçkiöncəsi mənə qarşı bu cür vasitələrdən istifadə edir. Mən öz növbəmdə bu cür yazılara şərh vermək fikrində deyiləm. Sadəcə onu deyə bilərəm ki, bu hakimiyyətin mənə qarşı növbəti oyunudur”.