Xəbərlər

Avropa İttifaqının (Aİ) genişlənmə və Avropa qonşuluq siyasəti üzrə komissarı Ştefan Füle sentyabrın 12-də Ermənistana səfər edəcək.

ERtv xəbər verir ki, bu barədə “Armenia Today” saytı “Aykakan Jamanak” qəzetinə istinadən məlumat yayıb.

Qeyd edilir ki, Ştefan Füle 12-13 sentyabrda “Şərq tərəfdaşlığı” ölkələrinin nazirlərinin üçüncü qeyri-rəsmi görüşündə iştirak etmək məqsədilə Ermənistana səfər edəcək.

Ş.Fülenin sözçüsü Peter Stentonda komissarın sentyabrın 12-də gələcəyini təsdiqləyib.

Məlumatda o da qeyd edilib ki, buna qədər avropalı məmurlar Ermənistanın Gömrük İttifaqına qoşulmaq haqqında qərarı ilə bağlı izahat almağa cəhd edəcəklər. Bu məqsədlə sentyabrın 5-də parlamentin Xarici əlaqələr komissiyasının rəhbəri Artak Zakaryan və hakim Respublika partiyasının sədrinin müavini Armen Aşotyan Brüsselə gedəcəklər.