Xəbərlər

Hər zaman qərəzliliyi ilə seçilən “Human Rihgts Wathch” təşkilatının Azərbaycanla bağlı son hesabatı da qərəzlidir və ölkəmizi istəməyən, uğurlarımızı gözü götürməyən xarici qüvvələrin sifarişi əsasında yazılıb.

ERtv xəbər verir ki, bunu mətbuata açıqlamasında Ana Vətən Partiyasının (AVP) sədri, millət vəkili Fəzail Ağamalı “Human Rihgts Wathch” təşkilatının Azərbaycanı tənqid edən 100 səhifəlik hesabatına münasibətini bildirərkən dilə gətirib.

Onun sözlərinə görə, bu hesabatın hazırlanması zamanı heç bir faktın araşdırılmasına maraq olmayıb.

“Nə gəldi, götürüb yazıblar. Orada yazılanların bəzi məqamlarına diqqət etdim, ümumiyyətlə, reallıqdan uzaqdır”, - deyən F.Ağamalı bildirib ki, bu hesabatı yaymaqla siyasi cəhətdən iflasa məhkum olan müxalifətə süni nəfəs vermək və Azərbaycanın beynəlxalq aləmdə imicini korlamaqdır.

“Bu hesabatın mürəkkəbi qurumadan bəzi xarici KİV-lər onu yaydılar. Bu, onu göstərir ki, bu hesabat seçki ərəfəsində şüurlu olaraq hazırlanıb” - deyə, o, mətbuata açıqlamasında sözlərinə əlavə edib.