Xəbərlər

Prezident İlham Əliyevin sərəncamı ilə regionlarda yolların yenidən qurulması və tikintisi uğurla həyata keçirilir.

ERtv-nin bölgə müxbiri xəbər verir ki, Lənkəran şəhərində də hazırda yerli infrastrukturun yaxşılaşdırılması ilə yanaşı, kənd yolları da abadlaşdırılır.

Uzun illərdir təmirini gözləyən iki yaşayış məntəqəsini özündə birləşdirən Bala Şürük-Kosalar avtomobil yoluna asfalt döşənməsinə başlanıb.

Uzunluğu 2 kilometr, eni isə 7 metr təşkil edən yolun artıq 1,5 kilometri yüksək keyfiyyətlə inşa edilib.

Bərbad vəziyyətdə olan, xüsusilə qış aylarında daha dözülməz olan yoldan kənd sakinləri və xüsusilə sürücülər əziyyət çəkirdi.

Qeyd edək ki, 1701 nəfər əhalinin yararlandığı yol bir neçə günə istifadəyə verilməsi nəzərdə tutulub.