Xəbərlər

Amerika Birləşmiş Ştatları Suriyaya hücum etməyə hazırlaşdığını bəyan etdikdən sonra Türkiyənin Suriya ilə sərhədindəki NATO radar bazasının inşası sürətləndirilib.

ERtv ANS PRESS-ə istinadən xəbər verir ki, peyk sistemləri ilə işləyəcək NATO radar bazası Hatay vilayətində, Kipr adasının yaxşı göründüyü bir təpədə qurulur.

Radar bazasının inşasının 3 ay ərzində tamamlanaraq təhvil veriləcəyi gözlənilir.

Bundan əvvəl 2006-cı ildə Amanos dağlarında inşa edilmiş NATO-ya məxsus peyk sistemli radar bazası isə bütün imkanları ilə fəaliyyət göstərməyə davam edir. Türkiyə-Suriya sərhədində bu NATO bazalarının Amerika Birləşmiş Ştatlarının tələbi ilə tikildiyi iddia olunur.