Xəbərlər

Ucar Rayon Bələdiyyəsində “Milli QHT Forumu Seçki Koalisiyası” tərəfindən seçki maarifçiliyi, əhalinin seçki fəallığının artırılması, seçki hüququ ilə bağlı növbəti tədbir keçirilib.

ERtv xəbər verir ki, tədbirdə koalisiyanın təmsilçiləri MQF-nin prezidenti Rauf Zeyni, Beynəlxalq Avrasiya Mətbuat Mərkəzinin rəhbəri Umud Mirzəyev, Müstəqil Elmi-Praktik Hüquq Mərkəzinin sədri Aydın Kərimov seçki qanunvericiliyi, seçki prosesində vətəndaş cəmiyyəti institutlarının iştirakı mexanizmi və s. haqda məlumat veriblər.

Vətəndaşların suallarına cavab olaraq “MQF seçki koalisiyası”nın nümayəndələri son illər ərzində ölkəmizin inkişafı, beynəlxalq aləmdə nüfuzunun artması, regionda güclü-qüdrətli dövlətə çevrilməsi, “Gələcəyə baxış” 2020 inkişaf konsepsiyası çərçivəsində vətəndaş cəmiyyətinin inkişafı, QHT-lərə Dövlət Dəstəyi Konsepsiyasının və QHT-lərə Dövlət Dəstəyi Şurasının yaradılması, regionlarda vətəndaş cəmiyyətinin inkişafı və s. məsələlərlə əlaqədar olaraq son illərdə əldə olunan nailiyyətlər barədə rayon ictimaiyyətinə məlumat veriblər. Sonda “MQF Seçki Koalisiyası” seçiciləri 9 oktyabr Prezident seçkilərində fəal iştirak etməyə çağırıb.