Xəbərlər

“Nargis” jurnalı və “28 Cinema” ilin ən böyük moda gecəsini təşkil edəcək.

ERtv xəbər verir ki, sentyabrın 13-də moda nümayişi ilə yanaşı, qapalı film nümayişi də keçiriləcək.

“Berqdorf Qudman: Bir əsrdən çox dəb olimpinin zirvəsində” moda aləmindən bəhs edir və dəb sevərlərin çoxdan gözlədiyi filmdir.

Moda gecəsində “Jan” atelyesinin geyimləri nümayiş olunacaq. Geyimlər qırmızı printlər ilə ağ-qara işıq qammasında yaradılıb. Kolleksiyanın əsas printlərinin süjeti, Heydər Əliyev Fondunun vitse-prezidenti Leyla Əliyevanın “Yarat” müasir incəsənət məkanı tərəfindən təşkil olunmuş “Fly to Baku” sərgi və ekspozisiyaları əsasında yaradılıb.

Tədbirdə müğənni Diana Hacıyeva moda aləmindən bəhs edən mahnılar ifa edəcək.

Qonaqlar arasında ölkənin bir çox məşhur simaları, mədəniyyət və incəsənət xadimləri, iri şirkətlərin rəhbərləri və ictimai xadimlər iştirak edəcək. Mərasimi həmçinin, televiziya kanalları və çoxsaylı media nümayəndələri tərəfindən işıqlandırılacaq.