Xəbərlər

Açıq Cəmiyyət (ACP) və Liberal (ALP) partiyaları ilə “El” hərəkatının Cəmil Həsənlinin imzatoplama kampaniyasına buraxılmamaları qurumdaxili etimadsızlığın göstəricisi hesab olunur.

Bu barədə ERtv-yə açıqlama verən “Xalq Cəbhəsi” qəzetinin baş redaktoru Elçin MirzəbəyliMilli Şura daxilində yaranmış bu durumu aşağıdakı səbəblərlə əlaqələndirib:

“Özləri də bildiriblər ki, Cəmi Həsənlinin namizədliyinin qeydə alınması üçün tələb olunan imzaların yarısını İsa Qəmbərin, yarısını isə Əli Kərimlinin sədri olduğu partiyalar toplayacaq.

Bu isə o deməkdir ki, Milli Şuradakıların qurumda əlliyə yaxın təşkilat olduğunu demələrinə baxmayaraq, orada faktiki olaraq iki partiya mövcuddur.

Qalanlarının isə belə ciddi proseslərdə faydalı bir işlə məşğul olmağa imkanları sadəcə olaraq yoxdur və onlar obrazlı desək, dekorativ siyasi bitki funksiyasını yerinə yetirirlər.

Digər tərəfdən, Milli Şuradakı bəzi partiyaların Cəmil Həsənlinin namizədliyini dəstəkləməməsi də bu məsələdə öz sözünü deyib.

Yəni o təşkilatların imzatoplama kampaniyasından kənarda qalmaları həm də Milli Şurada hökm sürən qarşılıqlı etimadsızlığın göstəricisidir”.