Xəbərlər

Türkiyə Suriya ilə sərhəddə yerləşən Hatay əyalətindəki Hərbi Hava Qüvvələrinin bölmələrini xidmət göstərmək üçün gücləndirilmiş vəziyyətə gətirib.

ERtv Türkiyə mətbuatına istinadən xəbər verir ki, zenit-raket kompleksləri (ZRK) və radarlar Suriyaya tərəf tuşlanıb.

Məlumata görə, bu, Qərbdə sözügedən ölkəyə qarşı hərbi əməliyyatlara başlanması üzrə  aparılan müzakirələr ilə əlaqədar Suriya tərəfindən gələ biləcək mümkün təhlükə səbəbindən edilib. Bildirilir ki, radar qurğuları daimi rejimdə işləyir.

Türkiyənin Suriya ilə sərhəddə təyyarə və raketlərin məhv edilməsi üçün istifadə olunan “Houk” raketləri və “Strinqer” qurğularına məxsus bir neçə mobil ZRK-sı var. Suriya tərəfindən təhlükə gələcəyi təqdirdə, ilk olaraq bu komplekslərin işə salınacağı qeyd olunur.