Xəbərlər

Azərbaycanın xarici işlər naziri Elmar Məmmədyarovla İranın xarici işlər naziri Məhəmməd Cavad Zərif arasında telefon danışığı olub.

ERtv Türkiyə mətbuatına istinadən xəbər verir ki, XİN rəhbərləri Suriya məsələsi ətrafında müzakirələr aparıblar.

Xəbərdə deyilir ki, iranlı nazir on ölkədən olan həmkarı ilə telefon danışığı aparıb və Tehranın Suriya ilə bağlı mövqeyi barədə məlumat verib.

M.Zərif bildirib ki, Suriyanın kimyəvi silahdan istifadə edib-etməməsi və kim tərəfindən istifadəsi BMT nəzarətçilərinin araşdırmalarından sonra bəlli olacaq.

O bildirib ki, İran kimyəvi silahdan ən çox zərər çəkən ölkələrdəndir və rəsmi Tehran hər cür kütləvi qırğın silahlarının istifadəsinə qarşıdır.

“Dünya daha bir müharibənin başlamasına tab gətirə bilməz. 21-ci əsrdə gücdən və zordan istifadə qəbuledilməzdir. Hərbi müdaxilə böhranı dayandırmaqdan daha çox, onu geniş bir bölgəyə yayacaq”.