Xəbərlər

ATƏT-in Demokratik Təsisatlar və İnsan Haqları Bürosunun Azərbaycanda seçkiləri izləyəcək müşahidə missiyası Mərkəzi Seçki Komissiyasında Milli Şura tərəfindən prezidentliyə namizəd Rüstəm İbrahimbəyovun məsələsi müzakirə olunub.

ERtv xəbər verir ki, bu barədə bu gün keçirilən mətbuat konfransında ATƏT-in Demokratik Təsisatlar və İnsan Haqları Bürosunun (ATƏT/DTİHB) Azərbaycanda keçiriləcək prezident seçkilərini izləməyə gələn müşahidə missiyasının rəhbəri Tana de Zulueta deyib.

Onun sözlərinə görə, R.İbrahimbəyovun namizədliyini MSK-nın qeydə almamasının səbəbi onun ikili vətəndaşlığının olması və başqa ölkə qarşısında öhdəlik daşıması ilə izah ediblər.

O bildirib ki, R.İbrahimbəyovun MSK-nın bu qərarından məhkəməyə müraciət etmək niyyəti barədə məlumatlar var:

“Biz digər məsələlər kimi bunu da diqqətdə saxlayacağıq və prosesi izləyirik”.

Qeyd edək ki, MSK Rüstəm İbrahimbəyovun ikili vətəndaşlığını nəzərə alaraq, onun Azərbaycan qanunlarına uyğun olaraq prezidentliyə namizədliyini qeydə almayıb.