Xəbərlər

“One Direction” qrupu haqqında çəkilən sənədli filmin təqdimatı olacaq.

ERtv xəbər verir ki, “One Direction – bu bizik!” filmi eksklüziv olaraq “Park Cinema”da nümayiş olunacaq.

Kinoteatr rəhbərliyi çoxsaylı pərəstişkarların sayını və qrupun populyarlığını nəzərə alaraq avqustun 30-nu “One Direction” Günü elan edib.

Böyük populyarlıq qazanan “One Direction” qrupunun beş üzvü də istedadlı, gənc və cazibədardır (Liam Peyn, Lui Tomlinson, Nayl Horan, Harri Stayls, Zeyn Malik).

Qrupun yaranma tarixi Britaniyanın “The X factor” televiziya realiti şousunda uğurlu üçüncü yer tutduqları gündən başlayıb. İlk albomlarına daxil olan “What Makes You Beautiful” mahnısı sinqla çevrilib. Hətta mahnının klipinə 5 mln. dəfədən artıq baxılıb (http://www.youtube.com/watch?v=QJO3ROT-A4E).

Bu il isə “One Direction” özləri və şou-biznesdəki nailiyyətləri haqqında sənədli filmin təqdimatını keçiriblər. İlk albomlarının 2012-ci ildə işıq üzü görməsinə baxmayaraq, musiqiçilərin yaradıcı nailiyyətləri haqqında film çəkmək üçün kifayət qədər material toplanıb.

Filmin adı “One Direction — This is us”dır. Film qrupun tarixçəsindən bəhs edir, burada həmçinin kulis arxasında baş verənlərdən, konsertlərdən parçalar və məşqlərdən görüntülərdən istifadə olunub.