Xəbərlər

Amerikanın Çikaqo şəhər sakini avtomobilini qeyri-münasib yerdə saxladığına görə inanılmaz məbləğdə cərimə olunub.

ERtv Vesti.Ru-ya istinadən xəbər verir ki, şəhər hakimiyyəti Cennifer Fittsceralda dəyəri cərimənin məbləğindən bir neçə dəfə ucuz olan avtomobilini düzgün saxlamadığına görə, 105 min dolar məbləğində cərimələnib.

Qadın məhkəməyə müraciət etmək məcburiyyətində qalıb. Qadının maşınla epopeyası təqribən 4 il əvvəl başlayıb. Onun keçmiş sevgilisi sahibi olduğu avtomobili Ohara hava limanındakı xidməti dayanacaqda saxlayıb. 2009-cu ildən qadını maşına yaxın buraxmayıblar. Çünki maşın aeroportun qapalı hissəsində olub. Maşını tələdən çıxartmaq heç bir halda mümkün olmayıb.

Bununla belə, park etməyə görə qadının adına cərimə haqqı gəlməkdə davam edib. Bütün bu müddət ərzində Fittscerald ümumi dəyəri 105 min dollar olan 670-dən çox cərimə talonu alıb.

Bədbəxt qadın maşını qeydiyyatdan çıxartmaq və nömrəni ləğv etmək qərarına gəlib. Lakin bundan sonra da cərimə qəbzlərinin ardı-arası kəsilməyib. Maşını aeroportdan çıxartmağa isə qadın bu yaxınlarda müvəffəq olub.

Çikaqo sakini mənasız cərimə ödəməkdən azad olunması tələbi ilə məhkəməyə müraciət edib.

Məhkəmənin qərarına görə, indi qadın 105 min dollar əvəzinə, cəmi 4,5 dollar ödəməli olacaq.