Xəbərlər

İslam Əməkdaşlığı Konfransının Gənclər Forumu Azərbaycanın birinci xanımını təbrik edib.

ERtv xəbər verir ki,  təbrik məktubunda Mehriban Əliyevanın ictimai və siyasi xadim kimi rolu, qlobal mədəniyyətlərarası əlaqələrin möhkəmlənməsində missiyası, təkcə müsəlman aləmində deyil, bütün dünyada bir model olduğu qeyd olunur.

Təbrikdə xüsusi olaraq qeyd edilir ki, Mehriban Əliyevanın təhsilin, səhiyyə və idmanın inkişafına, milli və mədəni irsin müdafiəsinə, Azərbaycanın pozitiv imicinin təşviqinə yönələn fəaliyyəti, o cümlədən onun mədəniyyətlər və dinlərarası dialoq ideyasına sadiqliyi haqlı olaraq beynəlxalq aləmdə qəbul edilir.

İƏT Gənclər Forumu Mehriban Əliyevaya “Sivilizasiyalar Alyansı uğrunda” gənclər hərəkatına verdiyi dəstəyə və forumun Qlobal Gənclər İnkişafı sahəsində Birinci Səfiri olmasına görə minnətdarlığını bildirir.