Xəbərlər

Bu gün Lənkəran – Lerik yolunda yol nəqliyyat hadisəsi baş verib.

Toqqşmadan sonra maşınlardan biri çevrilib.

ERtv-nin bölgə müxbiri xəbər veir ki, hadisə  günorta saatlarında Lənkəran – Lerik yolunda, Lənkəran rayonunun Qurumba kəndi ərazisində qeydə alınıb. Lənkəran rayonunun Şağlaküçə kənd sakini 30 yaşlı Əyyub Allahverdiyev idarə etdiyi Mersedes markalı avtomaşınla Lənkəran istiqamətində hərəkətdə olarkən, əks istiqamətdə hərəkət edən rayonunun Şilavar kənd sakini Elxan Hüseynovun idarə etdiyi VAZ 21012 markalı avtomaşınla toqquşub. Zərbənin gücündən VAZ 21012 markalı avtomaşın çevrilib.

Baş verən yol nəqliyyat hadisəsi zamanı Mersedesin sürücüsü Əyyub Allahverdiyev müxtəlif dərəcəli bədən xəsarətləri alaraq, Lənkəran müalicə diaqnostika mərkəzinə yerləşdirilib.

Hadisənin baş verməsinə səbəb isə yenə də yüksək sürət göstərilir. Qəzanın dəqiq səbəbləri araşdırmanın nəticəsindən sonra məlum olacaq.