Xəbərlər

Suriya-İordaniya sərhədi yaxınlığındakı bazada xüsusi hazırlıq keçmiş Suriya müxalifətçilərinin ilk qrupu avqustun ortalarında Suriya ərazisinə daxil olub və Dera şəhərində yerləşiblər.

ERtv RİA Novosti-yə istinadən xəbər verir ki, müxalifətçilər ABŞ və İordaniyadan olan mütəxəssislər tərəfindən təlim görüblər, onların hazırlığı ilə bir neçə ay məşğul olublar.

Təlim keçmiş müxalifətçilərin birinci qrupunda 300 nəfər iştirak edib. Onlar Suriya sərhədini avqustun 17-də keçiblər. İki gündən sonra analoji şəkildə ölkə ərazisinə daha bir döyüşçü qrupu daxil olub.

Suriyada hakimiyyət ilə müxalifət arasında münaqişə 2011-ci ilin martından davam edir. BMT-nin məlumatına görə, ölkədə təqribən 100 min insan həlak olub.