Xəbərlər

Milli Şuranın prezidentliyə namizədi statusunda Rüstəm İbrahimbəyovu Cəmil Həsənlinin əvəz etməsinin nəticə baxımından faydasız olacağı bildirilir.

Bu  yerdəyişməni ERtv-yə şərh edən Vətəndaş və İnkişaf Partiyasının (VİP) sədri, prezidentliyə namizəıdliyi irəli sürülmüş Əli Əliyev namizədinin kimliyindən asılı olmayaraq, Milli Şura layihəsinin iflasa uğradığını deyib:

“Rusiyanın layihəsi olan Milli Şura prezidentliyə kimin namizədliyini irəli sürməsindən asılı olmayaraq, hər hansı uğur qazana bilməz.

Cəmiyyətin dəstək vermədiyi Milli Şuranın namizədi kim olursa-olsun, bizə fərq etməz – Rusiyaya bağlılıqlarına görə ona qarşı daha sərt mövqedən çıxış edəcəyik.

Məhşur bir deyim var: atları döngədə dəyişməzlər. Amma Milli Şura özünü elə bir vəziyyətə salıb ki, atları döngədə dəyişmək məcburiyyətinə gəlib.

Amma bunun faydası olmayacaq. Daxilində həlledilməz ziddiyyətlər olan bu qurumun məğlubiyyəti qaçılmazdır”.