Xəbərlər

100-dən artıq britaniyalı turist Türkiyənin “Sentido Perissia” otelində istirahət zamanı zəhərlənib.

ERtv Rusiya KİV-lərinə istinadən xəbər verir ki, zərərçəkənlərdən beş nəfər xəstəxanaya yerləşdirilib, onların arasında beşaylıq körpə də var.

Hazırda otelin hovuzuna giriş qadağan olunub, otel əməkdaşları qonaqlara otaqlardan çıxmamağı məsləhət görüb. Zərərçəkənlərdə zəhərlənmənin əlaməti kimi ürəkbulanması və ishal halları müşahidə olunur. Zəhərlənmənin virus mənşəli olduğu ehtimal edilir.

Xatırladaq ki, Britaniya turizm şirkəti “Thomas Cook” hadisəni araşdırmaq üçün Türkiyəyə mütəxəssislər göndərilib. Turizm şirkəti ən azı yaxın bir həftə müddətində həmin otelə  göndərişləri dayandırıb.