Xəbərlər

Tanınmış futbolçu və məşqçisi Kostike Stefanesku xəstəlik səbəbindən çəkdiyi ağrılara dözməyərək özünə qəsd edib.

ERtv RİA Novosti-yə istinadən xəbər verir ki, futbolçu Buxarestdəki hərbi qospitalın beşinci mərtəbəsindən özünü aşağı atıb.

KİV yazır ki, məşhur futbolçu son illər xərçəngin sağalmaz növündən əziyyət çəkirmiş. “Ziare.com”un məlumatına görə, bu xəbər öz təsdiqini tapmayıb.

Futbolçunun xəstəliyi hələ də açıqlanmayıb. Stefanesku ölümündən bir müddət əvvəl Rumıniyada evtanaziyanın qadağan olunmasına narazılığını bildirib. O, “Universitati” klubunun heyətində üç dəfə Rumıniya çempionu olub. Futbolçu milli komandanın heyətində 66 oyun keçirib, onun kapitanı olub. 1986-cı ildən 2012-ci ilədək məşqçi işləyib. Xüsusilə də, “Styaua”, “Timişoara” və “Universitatya” komandalarını çalışdırıb.