Xəbərlər

Yanvar-iyul ayları ərzində qeyri-neft sektoruna 6 154.7 mln. manat investisiya qoyulub.

ERtv-nin Dövlət Statistika Komitəsinə istinadən verdiyi xəbərə görə, bu da ötən ilin müvafiq dövrü ilə müqayisədə 19.6% artım deməkdir.

Ümumiyyətlə, bu müddətdə inşaat kompleksində 8.8 milyard manat məbləğində vəsaitdən istifadə edilib. İstifadə edilmiş vəsaitin 66.3 faizi və ya 5.8 milyard manatı bilavasitə tikinti-quraşdırma işlərinin yerinə yetirilməsinə sərf olunub.

2012-ci ilin yanvar-iyul aylarına nisbətən inşaat işlərinə sərf olunmuş vəsaitin həcmi 23.3 faiz, bilavasitə tikinti-quraşdırma işlərinə yönəldilmiş vəsaitin miqdarı isə 37.9 faiz artıb. Əsas kapitala yönəldilmiş vəsaitin 74.7 faizini və ya 6.6 milyard manatını daxili vəsaitlər təşkil etmiş və 17.3 faiz artıb.