Xəbərlər

Böyük Britaniya hakimiyyəti “Guardian” qəzetini Amerika xüsusi xidmət orqanlarının keçmiş əməkdaşı Eduard Snoudenin nəşrin jurnalistinə verdiyi materialları ya məhv etməyi, ya da ona verməyi tələb edir.

ERtv RİA Novosti-yə istinadən xəbər verir ki, bu barədə “Guardian”-ın baş redaktoru Alan Rasbricerin bəyanatına istinadən Franc-Press məlumat yayıb.

Rasbricer bildirib ki, olduqca ciddi hökumət məmurları ona bir neçə dəfə zəng edərək bildiriblər ki, nəşr baş nazirin maraqlarına zidd fəaliyyət göstərir. Bu zənglərdən sonra redaktorun Britaniya hakimiyyətinin nümayəndələri ilə iki görüş keçirib. Görüşlər zamanı “ondan qəzetin Snoudendən aldığı bütün materialların hakimiyyətə verilməsi və ya onların məhvi tələb olunub”. Rasbricerin sözlərinə görə, razı olmayacağı təqdirdə, məmurlar onu məhkəmə ilə hədələyiblər.