Xəbərlər

Bu ilin yanvar-iyul ayları ərzində Azərbaycan 141 dövlətlə 20 mlrd. 045 mln. 689 min dollar həcmdə ticarət əməliyyatı aparıb.

ERtv-nin Dövlət Gömrük Komitəsinə istinadən verdiyi xəbərə görə, bu göstərici keçən ilin müvafiq dövrünə nisbətən 3,42% artıb.

Hesabat dövründə ticarət dövriyyəsinin 13 mlrd. 863 mln. 936 min dolları ixracın, 6 mlrd. 181 mln. 753 min dolları isə idxalın payına düşüb.

Yeddi ayda Azərbaycanın ixrac etdiyi məhsulların həcmi keçən ilin müvafiq dövrünə nisbətən 1,55% azalıb.

Yanvar-iyul aylarında Azərbaycanın xaricdən idxal etdiyi məhsulların həcmi isə 16,63% artıb.

Bu dövrdə ixrac olunan malların çeşidlərinin sayı – 1 677 ədəd, idxal olunan malların çeşidlərinin sayı – 5 587 ədəd təşkil edib.

Hesabat dövründə 7 mlrd. 682 mln. 182 min dollar məbləğdə müsbət saldo yaranıb.