Xəbərlər

ERtv Trend-ə istinadən xəbər verir ki, Misirdə baş verən hadisələr ilə əlaqədar Azərbaycan vətəndaşlarının təxliyəsinin həyata keçirilməsi üçün Azərbaycan Respublikasının Prezidenti tərəfindən Azərbaycan Respublikasının Xarici İşlər və Fövqəladə Hallar Nazirliklərinə təlimat verilib.

Məlumatda deyilir ki, Azərbaycan vətəndaşlarının təxliyyəsinin həyata keçirilməsi üçün müvafiq tədbirlər görülməkdədir.

Xatırladaq ki, Misir ordusu çərşənbə günü səhər saatlarından etibarən Misirin devrilmiş prezidenti Məhəmməd Mursinin tərəfdarlarının etiraz nümayişlərini dağıtmağa başlayıb, son məlumatlara görə, ölənlərin sayı 129 nəfərə çatıb.