Xəbərlər

Ermənistanda bahalaşma ümumi mahiyyət almaqdadır və bu, tədricən digər sahələrə, xüsusilə də, ali təhsilə sirayət edir.

ERtv xəbər verir ki, bu barədə “Armenian Report” yazıb.

“Ermənistanda əmtəə qiymətləri, həmçinin xidmət haqlarının böyük əksəriyyəti dövlət tərəfindən tənzimlənmir. Eyni zamanda qiymətlər heç də aşağı deyil. Müqayisə üçün İrəvanda və Berlində ayrıca qida məhsullarının pərakəndə satış qiymətlərini misal gətirək”, - deyə “Armenian Report” yazır.

Nəşr qeyd edir ki, Berlin mağazalarında ən yüksək növlü çörəyi 1,5 avroya əldə etmək olar, bununla belə onun faktiki çəkisi nominala, keyfiyyəti isə standarta uyğun gəlir. Ermənistanda isə çörəyin “kiloqram”ı 0,9 avroyadır, lakin onun faktiki çəkisi göstərilənə uyğun gəlmir.

“Berlin supermarketlərində təzə mal ətinin bir kiloqramı 8,0-8,5 avroya, dondurulmuş mal əti isə 7,5 avroya satılır. Ermənistan paytaxtında isə mal əti ucuzdur - iyulda orta hesabla 4,9 avroya idi. Lakin ümumi çəkinin 1/3 və ya daha çox hissəsini təşkil edən sümüklərə cəmdəyin yeyilməyən hissələri əlavə olunur”, - deyə erməni mətbuatı yazır.