Xəbərlər

“Miras” Mədəni İrsin Öyrənilməsinə Kömək İctimai Birliyi yeni “Seyid Yəhya Şirvani və Təsəvvüf” mövzusunda sənət müsabiqəsi layihəsinə start verir.

ERtv xəbər verir ki, müsabiqədə rəssamlar, xəttatlar, heykəltəraşlar, fotoqraflar və digər sənətkarlar yaxından iştirak edə bilərlər.

Müsabiqə iştirakçılarının əsərləri təşkilatın fondunda saxlanılaraq keçiriləcək sərgilərdə nümayiş etdiriləcək.

Müsabiqədən keçən iştirakçılar təşkilatın inanc turlarına qatılacaq, Bakı, Şamaxı, Ağsu, Quba, Lənkəran və Astara rayonlarında Seyid Yəhya və təsəvvüflə bağlı inanc yerlərini ziyarət edəcəklər.

İnanc turlarının bütün xərcləri “Miras” Mədəni İrsin Öyrənilməsinə Kömək İctimai Birliyi və “Heritage Travel” Şirkəti tərəfindən ödəniləcək.

Əsərlər istənilən ölçüdə və böyüklükdə ola bilər. Müsabiqədə iştirak etmək istəyənlər CV-lərini və əsərlərini [email protected] elektron ünvanına göndərməklə, təşkilatın ofisinə gəlib xüsusi ərizə formasını doldurmaqla qeydiyyatdan keçə bilərlər.

Müsabiqədə iştirak üçün son qeydiyyat tarixi 20 oktyabr tarixinədəkdir. Müsabiqədən keçən əsərlər 2-4 noyabr tarixlərində sərgilənəcək və kataloqlaşdırlıcaq.