Xəbərlər

Fransada universitetlərdə qızların hicab örtməsinin qadağan edilməsi etirazlara səbəb olub.

ERtv-nin verdiyi xəbərə görə, ölkə universitetlərində qızların hicab örtməsinin qadağan edilməsi ölkə mətbuatında geniş müzakirə obyektinə çevrilib.

Etirazlara ölkənin daxili işlər naziri Manuel Vallsın “Le Fiqaro“ qəzetinə verdiyi müsahibəsində ali təhsil ocaqlarında hicaba qadğa qoyulması ilə bağlı söylədiyi fikirlər səbəb olub.

M. Valls ali təhsil naziri xanım Jenevyev Fiorazonun fikrini təkrarlayaraq deyib ki, universitet nə kollec, nə də liseydir. Ona görə də universitetlərdə hicab məsələsi ali təhsil üçün müzakirə predmeti ola bilməz. Universitetə aid olmayan məsələ barəsində polemikaya girişmək lazım deyil.

“Le Fiqaro“ qəzeti bu məsələ ilə bağlı rəy sorğusu aparıb. Sorğuda iştirak edənlərin 78 faizi qızların ali məktəblərə hicabla gəlmələrinin təmamilə əleyhinə olduqlarını bildiriblər.

Rəyi soruşulanların 4 faizi hicabın tərəfdarı olduqlarını bildirib, 18 faiz isə fikir bildirməkdən imtina edib.