Xəbərlər

Ermənistan Futbol Federasiyasının (EFF) rəhbəri Ruben Ayrapetyan federasiyanın icraiyyə komitəsinin üzvləri ilə Avropa Liqasında erməni hakimlərlə bağlı baş verən qalmaqalı müzakirə edib.

ERtv-nin verdiyi xəbərə görə, Avropa Liqası qarşılaşmaları çərçivəsində keçirilmiş “İnter” (Turku, Finlandiya) – “Vikinqur” (Farer adaları) oyununu məhz erməni hakimlər idarə ediblər.

Oyun 0-1 hesabı ilə yekunlaşsa da, azarkeşlər nəticə ilə bağlı proqnozlara hər zamankından artıq vəsait xərcləyiblər. Belə ki, oyunda hər iki komandanın qol vuracağına dair proqnoz kuponlarına 300 min avro xərclənib.

Qarşılaşma zamanı hər iki komandanın qapısına penalti təyin edən erməni hakim Andranik Arseyanin bu qərarından ancaq Farer adalarının sakinləri qazanc əldə ediblər.

Müzakirələr nəticəsində EFF icraiyyə komitəsi qərara gəlib ki, Andranik Arseyanla (İrəvan) Ovaness Avakyanın (Artaşan) hakimlik karyerasına ömürlük qadağa qoyulsun. Həmçinin qərara alınıb ki, bu işdə iştirak edən digər hakimlər barəsində də inzibati tədbirlər görülsün.

Araşdırma zamanı məlum olub ki, hadisələrdə “Şaumyan” futbol komandasının rəhbəri Qriqor Ovasapyan və “Ararat” komandasının sabiq oyunçusu Edqar Safaryanın da əli var.