Xəbərlər

Lənkəran rayonunda ölümlə nəticələnən ağır yol-nəqliyyat qəzası baş verib.

Bu barədə ERtv-nin bölgə müxbirinə Lənkəran Şəhər Polis Şöbəsindən məlumat verilib.

Məlumata görə, hadisə avqustun 6-da saat 22:00 radələrində rayonun Osakücə kəndi ərazisində qeydə alınıb. Masallının Mollaoba kənd sakini, 1986-cı il təvəllüdlü Elxan Rahim oğlu Babayevin idarə etdiyi “Mercedes Benz” markalı avtomobil hərəkətdə olarkən qəfildən idarəetməni itirərək yolun kənarındakı ağaca çırpılıb.

Nəticədə avtomobildəki sərnişin, Masallının Mollaoba kənd sakini, 23 yaşlı Seymur Canəli oğlu Nurullayev aldığı ağır bədən xəsarətlərindən yerindəcə ölüb. Sürücü isə müxtəlif dərəcəli bədən xəsarətləri ilə xəstəxanaya yerləşdirilib. Vəziyyəti orta ağırdır.

İlkin versiya kimi hadisəyə səbəb sürücünün sürət həddini aşması göstərilir.

Faktla bağlı Lənkəran ŞPŞ-də araşdırma aparılır.