Xəbərlər

Azərbaycan bir çox halda beynəlxalq hüququn norma və prinsiplərinin yanlış təfsiri və BMT Təhlükəsizlik Şurasının qətnamələrinin əhəmiyyətinin azaldılması cəhdlərindən narahatdır.

ERtv xəbər verir ki, bu barədə Azərbaycanın xarici işlər naziri Elmar Məmmədyarov BMT Təhlükəsizlik Şurasının “Beynəlxalq sülhün və təhlükəsizliyin qorunmasında BMT ilə regional və subregional təşkilatlar arasında əməkdaşlıq” mövzusunda keçiriləcək açıq müzakirələrdə çıxışı zamanı deyib.

E.Məmmədyarov deyib ki, Azərbaycan işğaldan və genişmiqyaslı etnik təmizlikdən əziyyət çəkən ölkə kimi regional və subregional təşkilatların fərdi məsuliyyət prinsipinə töhfəsini qəti şəkildə dəstəkləyib.

XİN rəhbəri bildirib ki, təşkilatın bütün üzvlərinin dövlətlərin suverenliyi, ərazi bütövlüyü və siyasi müstəqilliyinə münasibətdə təşkilatın Nizamnaməsində əksini tapmış öhdəliklərə ciddi əməl etməsi çox vacibdir. Nazir bəyan edib ki, silahlı münaqişələrin sülh yolu ilə həlli beynəlxalq hüquq əsasında həyata keçirilməlidir.

O, həmçinin BMT ilə regional tərəfdaşlar arasında əməkdaşlığın möhkəmlənməsi, eyni zamanda Afrika İttifaqının son on illikdə artan rolundan, Ərəb Dövlətləri Liqasının regionda sülhün, təhlükəsizliyin və sabitliyin təşfiqində aparıcı rol oynamağa qadir olmasından söz açıb.