Xəbərlər

Qubada ölümlə nəticələnən yol-nəqliyyat hadisəsi baş verib.

ERtv-nin bölgə müxbirinə Quba rayon Polis Şöbəsindən verilən məlumata görə, hadisə Quba-Qusar yolunun 2-ci kilometrliyində, Quba rayonunun Dağlı kəndi ərazisində qeydə alınıb.

1984-cü il təvəllüdlü Qusar sakini Hüseynov Ramin Muxtar oğlu idarə etdiyi 90-RB-338 dövlət nömrə nişanlı “VAZ 21 07” markalı avtomobillə idarəetməni itirərək yoldan çıxıb və yolun kənarındakı qoz ağacına çırpılıb.

Nəticədə sürücü Ramin Hüseynov hadisə yerindəcə keçinib. Avtomobildə olan sərnişin, 1986-cı il təvəllüdlü Bakı şəhər sakini Mehdiyev Elbrus Əlövsət oğlu isə Quba Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.

Faktla bağlı araşdırma aparılır.