Xəbərlər

Xarici işlər naziri Elmar Məmmədyarovun Nyu-Yorka səfəri başlayıb.

ERtv XİN-in rəsmi saytına istinadən xəbər verir ki, E.Məmmədyarov avqustun 6-da BMT Təhlükəsizlik Şurasının “Beynəlxalq sülhün və təhlükəsizliyin qorunmasında BMT ilə regional və sub-regional təşkilatlar arasında əməkdaşlıq” mövzusunda keçiriləcək açıq müzakirələrdə iştirak edəcək.

Görüşə Argentinanın prezidenti xanım Kristina Fernandez Kirşner sədrlik edəcək.

Səfər müddətində nazir E. Məmmədyarovun BMT TŞ-da çıxışı və ikitərəfli görüşləri nəzərdə tutulub.